घर छेउका छिमेकीहरुले पटाका जलाएको हेरी बसेकी १० बर्षकी सानीमायाको जिन्दगी अन्धकार बनाई दिएको छ दिवालीले। उनको आँखामा पटाकाका केहि टुक्रा लागेर आँखामा गहिरो चोट लागेको छ अनि डाक्टरले भनेका छन् कि यो आँखाले अब कहिल्यै देख्न सक्ने छैन।
३० वर्षका सिकर्मी दिल बहादुरको कहानी पनि उस्तै छ । साथी-भाईको लहैमा लागेर दीवालीमा हातै मा राखेर पटाका बम्ब जलाउन उक्सिएका दिल बहादुरको हातमा अनि आँखामा चोट लागेको छ जसले गर्दा उनको जिबनयापन मा कठिनाई भोग्नु परेको छ। दीवालीमा पटाका, रकेट पटाकाहरु जलाएर रमाइलो गरिन्छ तर तपाईंको सानो लापरवाहीले गर्दा आँखामा सानो-तिनो चोटदेखि लिएर कहिल्यै ठिक नहुने गरि आँखा अन्धो पनि हुन सक्छ।
आँखाको सुरक्षाको लागि के गर्ने?
सबैभन्दा असल उपाय भनेको चोटबाट बच्नु नै हो त्यसैले आँखाको सुरक्षाको लागि आज म तपाईंहरु लाई निम्न केहि कुरामा ध्यान दिलाउन चाहन्छु ।
- पटाका हरु जलाउँदा खुल्ला ठाउँ मा मात्र जलाउनु होला ।
- बिशेषगरी साना केटा-केटी हरु लाई आफ्नो निगरानी मा राख्नु होला ।
- पटाका जलाउँदा वा हेर्दा सुरक्षित दुरी मा रहनु होला ।
- जति सकिन्छ cotton को कपडा लगाउनु होला र nylon, सिल्क वा synthetic का कपडा नलगाउनु होला ।
- नजिकै ज्वलनशील पदार्थ हरु छन् भने साबधान रहनु होला ।
- सुरक्षा चस्मा वा गोगल्स को प्रयोग ले पनि आँखा मा चोट बाट बचाउन सक्छ ।
